Yes massa wen neyga a fly dem mout den betta watch out who a hear for Lady G seh wat neyga people might a tink is not so eh go. She seh har pickney is one-yearold and a changes har body a go through. Yes changes so uno betta tap believe weh uno hear. Is changes. If uno nuh believe har go check doctor know it all.
Then massa, promoter 'fraid fi put pitcha pon poster for Montel hear seh entertainer tek down. Dem seh him gear stick stuck and wifie has fled Jamaica. Look yah now certain people 'ave fretration and belly runnings for entertainer had gone to bed wid many many who is known to have an appetite for chicken and chips.
So, the artistes weh try to diss Lovindeer has be wallowing in the muddy stream. Yes Lovindeer, weh nuh memba dem and massa people did well warn dem nuh trouble weh trouble yu. Yes mi chile a who tell dem fi go inna Lovindeer business. Is was a seedy talk dat nobody care to know.
Wat a piece a pronounciation. No comma, no fullstop or exclamation sign. Massa, Kirk Headley the model seh him worth betta dan fi deh pon stage a model inna short up sinting. Yu tink a joke him a mek, him serious fi true.
Lord mi chile promoter gone back a MoBay bruk like dog. Dem seh him bruk so till him couldn't find him gas money. Yes mi chile, everybody drove up look and tun back from di venue. Yes mi chile people seh him betta look a farin fi put on him next show.
Wat a way di hottie hotte inna di Mountain View area a pressure di lawmen dem. Yes mi chile, dem seh Saddam affi check out the lawmen status. Yes mi chile wen supe tink dem a search fi gun dem hand inna di wrong place. And, massa dem young gal dem nuh ramp fi show off bout eh.
The entertainer inna studio a big up Zeeks di odda day. Him a knock him chest seh wen him go pon stage and bus di place Zeeks did proud a him for him carry him go out and seh order weh yu waan. Massa dem seh entertainer shoulda ask fi six box a Guinness.
Lord massa manager can hold him head high now dat di rumour has pass. For massa a nuh little cayliss bwoy outta street tek liberty a him. A nuh little madda cry, shame old man and massa manager nuh reach thirty yet yu know. Yes mi chile now manager a tep like puss pon hot brick. Manager caan smile again and di one who spread di rumour is still in hiding.
The model weh a tell people seh him just land and him soon a going back is downtown, so Montel hear. Yes di model a hang-out a di same place weh him nuh get nuh ratings. So next time yu see him a talk bout mi just land dem den seh yu fi ask him a which bus him cum pon.
