Montel Talk! - Hot Vegas

WAT a hotness, wat a chat bout. Wat a whole heap a suss. The news 'bout Vegas is hot so till some people stew peas and rice bun up pon fire. But, yu see mi crosses. She just a jump and wheel seh, mi man deh pon Billboard again, mi man my man, mi man. Weh sweet nanny goat a go run har belly.

Matie business

DEN massa so mi get so mi sell eh. Di small one turned up a di show and massa there was smaddy else pon di scene. Mi chile, smaddy seh dem hear 'im a tell har seh, nuh seh noting, kip cool for 'im nuh waan nuh war bruk out. Yes mi chile wat a prekeh.

Dissing natty dread

THEN eh look like Kip Rich caan learn him lesson. Yu know seh him turn up a annoda show and massa di bongo niah dem decide fi teach him fi tap trouble dem. Massa is Saturday nite and a Beenie Man affi save Kip Rich dis time.

Ninja papers no right

SO dem cum out in their numbers and multitude fi see Ninjaman perform di odda nite and there was no Ninjaman around. Yes mi chile Montel hear seh him papers nuh right sinting nuh right so him affi tan weh him deh.

No friends wanted

A who call Bounty Killer pon him phone a apologise di odda day. No man is not di one who close to him is another smaddy. Now, Bounty Killer nuh easy for him a tell di smaddy eh naw go wuk for him nuh waan nuh fren.

Hello, hello mi chile a woulda neva know seh Foxy Brown was also riding in the Benz, a mean in di benz. Lord mi chile dem massa in the benz. Certain people seh meanwhile dat a gwane someone was doing di cow-bawling.

Mr Lex's

Mr. Lex, Mr. Lex wat have yu done this time. Is it true fathers day is coming up so too is mothers day. Yu better let dem know there is no such ting. Yes mi chile.

Ghetto hater

Mad Anju, yes Mad Anju dem a talk seh yu nuh cater fi di ghettos. A weh dem a seh mi chile. Dem seh yu too hoity toity although me nuh know weh dat mean.

Secretive Hawkeye

Den massa yu know di one weh name Hawkeye is becoming secretive, Den seh him have something up him sleeve. Wen mi see him, him a flex diffarent. Yes. Summer a cum and Haweye want money like how dry peice waan fire.

Junior Kelly's money

Who di devil mi hear seh a set fi nyam out Junior Kelly money. A who? Lord mi chile dem so nuff dem cannot count on two hand and foot. But uno eva see mi trial Dat deh Kelly hard fi nyam out so dem betta tek off di tights and wear long frock.

Back to Star Page